Nga Blendi Gashi
Arrestimi i Ramush Haradinajt në Francë me flet-arrest të Serbisë përveç reagimeve tejet të mëdha jo vetëm në Kosovë e Shqipëri por edhe më gjërë dhe protestave të vazhdueshme në shtete të ndryshme për lirimin e tij, së fundmi ka bërë të plasin edhe përçarje në politikën kosovare duke rikthyer akuzat mes AAK-së dhe Hashim Thaçit.
Shkas është bërë vizita e paparalajmëruar e presidentit në Amerikë, i cili është lajmëruar nga atje duke treguar se do të qëndrojnë disa ditë për takime me udhëheqësit amerikanë.
Por kjo vizitë aspak nuk i ka pëlqyer deputetit Haradinaj i cili thotë se Thaçi shkon në SHBA sa herë që arrestohet ose është gjykuar vëllai i tij, derisa ka shtuar pyetjen se mos po flet diçka edhe vizita e fundit.
Siç dihet, në kohën kur Haradinaj la postin e kryeministrit më 2004 dhe u detyrua të shkonte në Hagë, për t’u përballur me akuza për krime lufte, Ramushi dhe zyrtarë të partisë së tij për gjykimin e parë dhe rigjykimin në Hagë e bënin fajtor PDK-në dhe Thaçin.
“Hashim Thaçi mbërriti në Amerikë edhe me 21 Korrik 2010 kur u thirrë Ramushi në rigjykim në Hagë. A mos po na thotë diçka prap?
Hashim mos e harro darkën e 13 Dhjetorit 2010 kur folke Dik Marti në Restaorant Puro?
Çka të duash bëj, por e vërteta është e vërtetë. Kosova është më e madhe se ti.?”, ka shkruar Haradinajt në profilin e tij në Facebook.
“Thaçi ngacmon Haradinajn nga SHBA”
Dauti nuk është i vetmi që pas arrestimit të Ramushit, hedh akuza në drejtim të presidentit aktual.
Zëdhënësi i AAK-së, Muharrem Nitaj, ka reaguar ashpër pas një deklaratetë bërë nga Thaçi se asnjë politikan nga Kosova nuk është ftuar në ceremoninë e ianugurimit të presidentit amerikan Donald Trump.
Nitaj, thotë se Ramushi është kompleks i pashërueshëm i Hashimit, derisa tregon një takim që ka pasur me ish kreun e PDK-së gjatë kohës sa ishte gazetar i BBC.
“Ka vite që e njoh Hashim Thaçin. E pata takur një herë në vititn 1999 në Londër, në një vizitë “sekrete” të tij! Mbaj mend të më pat thënë “do të ishte mirë sikur BBC të mos i transmetonte deklaratat e Komandantëve të Zonave të UÇK-së, psh Ramush Haradinajn”. I habitur, i pata thënë “po ata po e bëjnë luftën, e posaçërisht Ramushi”! Biseda vazhdoj tutje, por e mbaj mend që unë pata dalë i tmerruar pa e kuptuar “ç’kishte ai njeri”!
Jo shumë kohë më vonë e pata kuptuar se çka e mundonte Hashim Thaçin. Shokët dhe bashkëpunëtorët e tij, ata më të afërmit, thonë se ai është dinak e i pabesë, interesaxhi e idhnak, hakmarrës… dhe po mundi, tê shkel me këmbë për interesin e tij! Në këtë logjikë e shoh deklarimin e tij pë vizitën në Amerikë, për biletat 500 dollarëshe dhe për impenjimin e tij për kthimin e Ramush Haradinajt në Kosovë! Mos ban hajgare Hashim! Më shumë po bën estrada për kthimin e Haradinajt, se sa ti e qeveria jote! Bëhu një herë burrë e trego se pse kompleksi i yt i pashërushëm është Ramush Haradinaj!”, ka reguar Nitaj.
Sidoqoftë, raportet mes Thaçit e Haradinajt u normalizuan kur ish-kreu i PDK-së i organizoi pritje liderit të AAK-së pasi u rikthye në Kosovë, në maj të vitit 2012, ku nisi betejën e dështuar për t’u ribërë kryeministër në një koalicion me PDK-në.
Dhe “armiqësia” mes tyre u rikthye pasi Thaçi nuk ia lëshoi karrigen e shefit të ekzekutivit.
Mbetet të shihet nëse pas lirimit të tij, Haradinaj do rikthejë akuzat ndaj presidentit dhe nëse do drejton gishtin kah ai për arrestimin që i ndodhi në Francë. /tesheshi.com/
