Lulzim Basha, kryetar i PD-së, ka reaguar pas arrestimit të Moisi Habilajt nga policia italiane.
Në një koment në rrjetet sociale, Basha thotë se Habilaj është denoncuar nga opozita, ndërsa shton se u arrestua oficeri i policisë Dritan Zagani, i cili denoncoi lidhjen e të arrestuarit me Tahirin.
“Policia italiane arrestoi sot kreun e një grupi të trafikut të drogës nga Shqipëria, Moisi Habilaj. Partia Demokratike ka denoncuar për 4 vite lidhjen e qeverisë me këtë klan, lidhjen e afërt të Tahirit me këtë bandë. Audi i famshëm i ministrit, përdorej pikërisht nga ky që sot u arrestua në Itali.
Edi Rama arrestoi Dritan Zaganin, oficerin e policisë, që e denoncoi këtë lidhje dhe sulmoi opozitën pareshtur. Po sot çfarë do të thotë?
Vetëm ngarkesa e kapur prej policisë italiane vlen 20 milionë euro. Po në 4 vite, sa para qarkulloi narkomafia me mbështetjen e Tahirit dhe mbrojtjen e Ramës? Kjo është mafia dhe këto janë lidhjet e saj me Edi Ramën!”, shkruan Basha. /tesheshi.com/
