Kryeministri Rama e ka konsideruar si diçka “për t’u shënuar” faktin që policia ka arritur të arrestojë katër të dyshuar për grabitjen e bujshme të Rinasit.
“Ndalimi i 4 personave të përfshirë në grabitjen e aeroportit, një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit. Policia e Shtetit duhet të provojë përditë se sa më shumë sulmohet e baltoset, aq më shumë rritet forca e saj goditëse”, shkruan Rama.
Edhe policia nga ana e saj ka treguar entuziazëm duke besuar se po arrin të shkojë deri të grabitësit. Një ditë më parë ajo arriti të zbulojë servisin ku u modifikua furgoni me mbishkrimin Hetimi Tatimor, me të cilën u krye grabitja. Kjo ndodhi në Elbasan, ku pas pasuan dhe arrestimet po në këtë qytet. /tesheshi.com/
