Arrestimet e fundit nga SPAK: vrasjet dhe atentatet me “ndihmë policore”

SPAK ka dhënë detaje për operacionin ku u arrestuan zyrtarë të lartë të policisë, prokurorë, biznesmenë dhe persona me precedentë penalë.

Sipas dosjes, janë të paktën gjashtë raste të dokumentuara, ku të arrestuarit kanë kryer vrasje ose kanë planifikuar ekzekutime.

Sipas njoftimit të SPAK janë biznesmeni, Pëllumb Gjoka, ish-shefi i Operacionales Oltion Bistri, kryeprokurori i Kukësit, Xhevahir Lita, ish-shefi i krimeve në Shkodër, Ardit Hasanbenga, si dhe Edmond Preka, Astmer Bilali.  Ndërkohë urdhër arreste janë lëshuar për Behar Bajrin, Ervis Martinaj, Elion Hato dhe persona të tjerë.

Sipas SPAK, nga hetimet rezulton se të dyshuarit janë autor të Gjin Ndojit në Shkodër në gusht të vitit 2020. Gjithashtu ata akuzohen për vrasjen e mbetur në tentativë të Taulant Pepajt, vrasjen e Kleant Musabelliut, si dhe kanë siguruar kushtet për vrasjen e Ibrahim Licit dhe Genc Tafilit, në vitin 2020.

Të arrestuarit dhe të shpallurit në kërkim akuzohen për 26 vepra penale.

Drejtuesit e policisë, Oltion Bistri dhe Ardit Hasanbenga dyshohet se kanë ndihmuar grupet kriminale për të kryer vasjet, si dhe kanë ndihmuar për fshehjen e provave.

Për zbardhjen e veprave penale dhe arrestimin e të dyshuarave, Policia Shqiptare ka bashëpunuar me Eurojust, Europol dhe policitë e Belgjikës, Holandës dhe Francës. /tesheshi.com/