Apeli i Krimeve të Rënda ka vendosur të nxjerrë në liri mjekun Edvin Prifti, e nga ana tjetër të lërë pas hekurave gjykatësen e Krujës Enkelejda Hoxha.
Të dy këta u arrestuan më shumë se dy javë më parë, Hoxha gjatë një operacioni që përfshinte një hetim disamujor të SPAK-ut, dhe Prifti i zbuluar krejt rastësisht nga ky operacion, si marrës ryshfetesh në shuma të mëdha.
Megjithatë, mjeku Prifti nuk do mund të ushtrojë profesionin, e për momentin do shijojë vetëm lirinë pas 17 ditësh qeli, jo të lehta për një mjek me reputacion dhe me stil jete larg problemeve me ligjin.
Raportohet se prokurori Altin Dumani ka paralajmëruar ankim të vendimit duke ju drejtuar Gjykatës së Lartë me rekurs,
Ndërsa gjyqtarja Enkelejda Hoxha, e njohur dhe si gruaja që shpëtonte nga burgu të fortët, si avokati Aldo Tabaku dhe 8 të arrestuarit e tjerë për korrupsion në sistemin e drejtësisë dhe mjekësisë, janë lënë në burg. /tesheshi.com/
