Një valë e bujshme arrestimesh kanë ndodhur së fundi në Arabinë Saudite, ku në pranga kanë rënë princa, ministra, mes tyre emra të njohur ndër të cilët veçon princi Alwaleed bin Talal, ndër më të pasurit në botë, i cili pak muaj më parë vizitoi dhe Shqipërinë duke takuar Ramën dora vetë dhe Bushatin si ministër i Jashtëm. Ai shfaqi dëshirën për të investuar në bregdetin shqiptar, pas një shëtitjeje me jahtin e tij sidomo në ujrat e Jonit.
Arrestimet janë kryer nga një komitet anti-korrupsion i themeluar së fundi, nën drejtimin e princit të Kurorës, Mohammed bin Salman, njeriu që po udhëheq disa reforma historike në këtë vend, promovues i strategjisë “Vizion 2030”, një erë e re në Arabinë Saudite për ta modernizuar akoma dhe më shumë Mbretërinë. /tesheshi.com/
