Shkrimtarja fituese e Çmimit Nobel, Svetlana Aleksieviç, anëtarja e fundit e shquar e lëvizjes opozitare që u lirua në Bjellorusi, u largua nga vendi nga frika për sigurinë e saj, mësoi të hënën agjencia e lajmeve DPA
72-vjeçarja, së cilës u dha Nobeli në 2015, dyshohet se u largua nga vendi me një aeroplan të linjës ajrore Belarusia, duke fluturuar për në Berlin.
Në fillim të këtij muaji, ajo tha se mbeti e vetmja anëtare e presidencës së Këshillit Koordinues të opozitës e cila nuk është në paraburgim ose në internim.
Aleksijeviç është një aleate e ngushtë e udhëheqëses së opozitës Svetlana Tikhanovska, e cila, sipas rezultateve zyrtare të kontestuara nga opozita, përfundoi e dyta në zgjedhjet presidenciale në fund të muajit të kaluar. Ithtarët e Tikhanovskës besojnë se ajo është fituesja e vërtetë.
Ajo iku në Lituaninë fqinje disa ditë pas zgjedhjeve të 9 gushtit, në një kohë të shtypjes së dhunshme të demonstratave kundër rezultateve të zgjedhjeve.
Demonstrata janë mbajtur në Bjellorusi çdo ditë që nga ajo kohë, dhe më shumë se 7,000 demonstrues janë arrestuar.
Presidenti Aleksandër Lukashenko, në pushtet për më shumë se 26 vjet, u betua javën e kaluar në një ceremoni të fshehtë në Minsk.
Bashkimi Evropian i quajti zgjedhjet në të cilat ai fitoi mandatin e tij të gjashtë “as të lira as të ndershme” dhe shpalli se refuzon të njohë Lukashenkon si president. /tesheshi.com/
