Tre të burgosur shqiptarë arritën të arratisen nga qelitë izoluese të Gjykatës së Athinës, ku ndodheshin në pritje për t’u transferuar gjetkë në burg, pas shqiptimit të dënimit një ditë më parë.
Ikja e tyre mjeshtërore duke patur si mjet ndihmës çarçafin e gjumit me të cilin u varën nga katet e sipërme e poshtë, ndodhi në mesnatë. Mjet tjetër ka qenë një limë me të cilën kanë prerë hekurat e dritares.
I pafat qe një shok i tyre gjeorgjian, i cili nuk arriti t’ja mbathte pasi u kap nga policia. Kjo e fundit është në një operacion gjigand për kapjen e treshes shqiptare.
Ashtu siç dënimet e burgosjet, edhe arratisjet e shqiptarëve ndër vite në Greqi janë shndërruar në legjendë. Alket Rizai mbetet personazhi simbol i tyre.
Të arratisurit e fundit ishin dënuar për shpërndarje droge. /tesheshi.com/
