Ka bërë bujë arratisja në si në filma e një shqipari në burgjet italiane, më saktë në Verceli. Fjala është për Kristjan Mëhillin.
Sipas mediave italiane, mësohet se Mëhilli së bashku me një tjetër të burgosur, gjithashtu shqiptar, sharruan hekurat e dritares së qelisë dhe zbritën me çarçafë të lidhura litar. Kjo ndodhi pikërisht natën e ndërrimit të viteve.
Të ndihmuar nga persona të jashtëm, të cilët u kanë hedhur litar brenda murit rrethues të burgut, Mëhilli ka arritur të largohet ndërsa tjetri është rrëzuar e ka thyer krahun, kësisoj është kapur nga rojet e burgut.
Mëhilli, 27-vjeç, ndodhej i dënuar si anëtar i një band që akuzohen për një sërë grabitjesh të vilave në territorin piemontez.
Më konkretisht, më maj 2019 ai u arrestua nga karabinierët e Casale Monferrato, së bashku me tre bashkatdhetarë të tjerë, pikërisht Çesk Thani, Augustin Pjetergjokaj dhe Kristjan Keçi. Ai ishte pjesë e bandës që kryente grabitje në vila në zonat Alessandria, Casalese dhe Vercelli. Thuhet se më një rast pronari i vilës u detyrua të binte në gjunjë dhe u rrah për vdekje për të treguar kodin e kasafortës.
Akuzat ndaj tyre ishin për bashkim kriminal me qëllim kryerjen e grabitjeve të banesave dhe armëmbajtje pa leje dhe sende të afta për ofendim dhe vjedhje, marrja e sendeve të vjedhura, lëndime të rënda personale.
Mëhilli vuante dënimin në Verceli deri në vitin 2029. /tesheshi.com/
