Një e dhënë e fundit nga prokuroria e Krimeve të Rënda flet për një kalim të shtetasit Albert Veliu, alias Babale, nga Kosova në Hungari, ku dhe ka kërkuar azil politik. Të njëjtën gjë ai bëri dhe në Kosovë, por pa mundur.
Kështu, personazhi i famshëm që nga hiçi u bë figurë publike falë një videoje të pretenduar me vëllanë e ish-ministrit Xhafaj, ka ndjekur gjurmët e Gruevksit, ish-kryeministrit maqedonas, i cili është arratisur në Hungari për t’i shpëtuar burgut, e kërkuar aty azil politik.
Siç mësohet, autoritetet e hetimit shqiptar u kanë kërkuar autoriteteve të Budapestit që ta esktradojnë shtetasin Albert Veliu, në kuadër të hetimeve për videon që trazoi politikën. Nga Xhafajt –në planin familjar, e nga qeveria – në planin politik, videoja e Babales konsiderohet si e manipuluar. /tesheshi.com/
