Politikania e parë femër e Kolumbisë e dënuar me burg për blerjen e votave, ka mundur të arratiset pasi u lejua të vizitohet te dentisti.
Aida Merlano arriti të ikë përmes dritares së një zyre dentare në Bogota duke përdorur një litar të kuq, zbritur në rrugë, e më pas hipur në një motor.
Ikja e saj u kap nga kamerat e vëzhgimit.
Gjithçka thuhet se ishte planifikuar më së miri, pasi po pritej nga personi në motor.
Autoritetet thanë që hetimi ishte në vazhdim dhe ofruan një shpërblim prej 50 milion pesos kolumbiane (rreth 13,000 euro) për informacion mbi vendndodhjen e Merlanos.
Aida Merlano u dënua me 15 vjet burg muajin e kaluar për blerjen e votave në zgjedhjet parlamentare të vitit 2018.
Nuk dihet pse asaj i lejohej të shkonte te dentisti, koha e shkurtër jashtë burgut zakonisht lejohet vetëm në situata emergjente. Në të njëjtën ditë, ajo kishte një seancë në të cilën duhet të merrej parasysh mundësia e uljes së dënimit me burg. /tesheshi.com/
