Policia e Maqedonisë ka nisur një operacion të shkallës së gjerë për të arrestuar delfinin e Nikolla Gruevskit, deputetin e VRMO-DPMNE-së, Lupço Dimovski.
Ai është njëri nga gjashtë parlamentarët që ende nuk është kapur dhe që akuzohet për dhunën e 27 prillit në Kuvend. Dimovski është shpallur në kërkim pasi ju hoq imuniteti nga ana e Parlamentit.
Gjykata Penale ka vonuar vendimin duke i dhënë kohë delfinit të Gruevskit që të largohet. Deri më tani gjykata vendosi arrest me burg për 21 persona, njëri është në arrest shtëpiak, ndërsa gjashtë të tjerë janë në kërkim.
Për deputetët Kërsto Mukoski, Zhaklina Pesheska, Johan Tarçullovski, Sasho Vasilevski, Luben Arnaudov dhe Lupço Dimovski pritet të vendoset nga momenti në moment.
Të gjithë të arrestuarit janë nën auzën “rrezikim terrorist të rendit kushtetues dhe sigurisë” . /tesheshi.com/
