Qeveria polake ka nxjerrë kandidatin e vet për të konkurruar Donald Tusk, liderin polak të BE-së që do të kërkojë një mandat të dytë si president i Këshillit Europian në fund të kësaj jave.
Një armiqësi e tillë kombëtare ndaj një bashkëpatrioti është tepër e pazakontë në politikën e Bashkimit Europian, edhe pse Tusk pritet që të marrë mbështetje të mjaftueshme për të mbajtur detyrën.
Kjo siguri vjen ngase aleatët e Tusk në partitë popullore thonë se nuk do të mbështesin kandidaturën e rivalit polak, Jacek Saryusz-Wolski.
Eurodeputeti gjerman, Manfred Weber që kryeson bllokun kosnervator në BE, atë të partive Popullore Europiane tha se PPE do të përjashtojë kandidatin Saryusz-Wolski nëse ai nuk heq dorë nga përpjekja për të rrezikuar mandatin e Tusk.
