“Kjo është diktatura në vepër e demokracisë së Gruevskit”, u shpreh pronari i Televizionit A1 në Maqedoni kur u arrestua para 7 vjetësh. Policia mori aksion për mbylljen e TVA1, më 25 maj të vitit 2010; gazetarët e stafit teknik u ndaluan të punojnë dhe objektit iu vu dryni, në dyshimin se kompania e Velia Ramkovskit ka bërë evazion fiskal. A1 ndaloi së transmetuari sinjalin në eter pas 18 vjetësh transmetim si televizioni i parë privat-kombëtar.
Pronari Ramkovski u arrestua dhe u dënua me 13 vjet heqje lirie. Dhe pas vitesh, ai është liruar përkohësisht për shkaqe shëndetësore. Në këto rrethana, Ramkovski ftoi gjithë ish-të stafin e TVA1, për t’u takuar dhe për të vizituar objektin që brenda ishte i shkatërruar.
Velia Ramkovski ka theksuar se më i sigurt ka qenë në burg për këto vjet, se sa të qëndronte i lirë në gjatë ish-regjimit të Gruevski.
“Për dallim nga televizionet tjera, TVA1 ishte media e cila shtroi rrugën për të përparuar televizioneve tjera. Pasi që TVA1 u mbyll, ra edhe vlera e gazetarëve në tregun mediatik. Nga 20 milion euro ra në 5-6 milion euro. Biznesi i mediave kur ndodh të kthehet ose nga qeveria ose nga fondacionet e jashtme, atëherë i kthehet shpina shikuesve. TVA1 ishte i kthyer nga qytetarët. Andaj ishte biznes i gazetari të pavarur për shkak se vareshim nga populli”, tha Velija Ramkovski.
Gazetari Borjan Jovanovski, njëri nga gazetarët e parë që filluan punë nga hapja e televizionit në vitin 1993, shpreson që mediat në Maqedoni të jenë mbikëqyrës objektiv të ngjarjeve dhe jo të anojnë nga ndonjë subjekt të caktuar politik..
“Jam i befasuar se si ia dolëm të mbijetojmë. Përveç asaj që e mbyllën televizionin, donin të na mbyllnin edhe shtëpitë. Dashtë Zoti që Maqedonia të ketë media, siç ishte A1, të cilat do të jenë mbikëqyrës objektiv të ngjarjeve aktual që ndodhin çdo ditë”, tha Jovanovski, gazetar. /tesheshi.com/
