Pandemia e koronavirusit në botë ende nuk po qetësohet ndërsa numri i rasteve të infeksionit ka tejkaluar8 milion, me një rritje të madhe të numrit të të infektuarve në Amerikën Latine.
NATO njoftoi që po përgatitet për një valë të dytë të mundshme të pandemisë dhe do të mbledhë furnizime me pajisje mjekësore dhe materiale në rast se ndodh, tha të martën Sekretari i Përgjithshëm i NATO-s, Jens Stoltenberg.
“Ne po përgatitemi për një valë të dytë të mundshme,” tha ai në një konferencë për shtyp përmes lidhjes video përpara takimit të ministrave të mbrojtjes së Aleancës.
Plani operacional do të paraqitet të mërkurën. Plani parashikon krijimin e stoqeve të pajisjeve mbrojtëse personale dhe materialeve të tjera në mënyrë që ato të shpërndahen shpejt nëse është e nevojshme, shpjegoi ai.
“Një fond i veçantë prej disa milion eurosh do të themelohet gjithashtu për blerjen e pajisjeve mjekësore dhe pagesa për transportin e mjekëve dhe pacientëve në rast nevoje,” shtoi ai.
Këto masa “do të na lejojnë të reagojmë më shpejt ndaj një valë të dytë të mundshme të pandemisë, në mënyrë që pajisjet e nevojshme të arrijnë në vendin e duhur dhe në kohën e duhur”, tha ai.
Forcat e armatosura të tridhjetë vendeve të NATO-s janë angazhuar në ndihmë të lehtësive shëndetësore në luftën kundër përhapjes së koronavirusit dhe trajtimit të pacientëve në spitalet polake që kanë forcuar kapacitetin e tyre spitalor.
NATO ka koordinuar më shumë se 350 fluturime ushtarake që transportojnë pajisje dhe të sëmurë për trajtim në vendet e tjera anëtare. /tesheshi.com/
