Ministrat e brendshëm të BE të premten shpalosën mundësinë për të prezantuar, në kufijtë e jashtëm të BE, kontrollet e identitetit, kontrollet mbi shëndetin e udhëtarëve që dëshirojnë të hyjnë në territorin e saj.
“Nëse kontrolli tregon se ka simptoma që janë një kërcënim për shëndetin publik, hyrja e palëve të treta në BE mund të mohohet,” tha Komisioneri i Ëështjeve të Brendshme të BE, Ylva Johansson.
Pas takimit në Bruksel, ajo shtoi se kontrollet shëndetësore mund të futen edhe në kufijtë e brendshëm të Shengenit.
“Eshtë një vendim i shteteve anëtare që nuk ka të bëjë me kontrollet e brendshme të kufijve dhe si i tillë nuk ka nevojë të raportohet në Komisionin Evropian,” shpjegon Johansson.
Ajo u bëri thirrje të gjitha shteteve anëtare që të koordinojnë hapat e tyre me njëri-tjetrin përpara se të vendosin masa drejt një shteti tjetër anëtar.
Ajo gjithashtu theksoi rëndësinë e proporcionalitetit dhe masave pragmatike për të ndaluar përhapjen e koronavirusit në Evropë.
“Kur bëhet fjalë për mundësinë e ndalimit të plotë të shtetasve të vendeve të treta që të hyjnë në zonën Shengen, këto masa janë përgjegjësi e shteteve anëtare, por jo në nivelin e BE”, shtoi Johansson.
Ajo ka njoftuar një udhëzues të BE për masat që mund të merren në kufij.
Në të njëjtën kohë, ajo theksoi rëndësinë e shteteve anëtare që duhet të pranojnë shtetasit e tyre, por edhe të ndihmojnë qytetarët e tjerë të arrijnë në vendet e tyre në fazën e masave të zgjeruara për të luftuar pandeminë COVID-19. /tesheshi.com/
