Kryeministri grek Kyriakos Mitsotakis i tha homologut maqedonas Zoran Zaev se, megjithëse nuk ishte dakord me Marrëveshjen e Prespës, Greqia ishte e detyruar të respektojë atë.
Sipas burimeve të qeverisë Greke, Mitsotakis i tha Zaevit se nuk do ta nënshkruajë Marrëveshjen e Prespës, të cilën qeveria e mëparshme greke e kryesuar nga Alexis Tsipras, e kishte nënshkruar me Maqedoninë Veriore në qershor 2018, por që marrëveshja tani është pjesë e ligjit ndërkombëtar dhe si të tillë Athina zyrtare është e detyruar ta respektojë.
Ai theksoi se në kohën e ratifikimit të Marrëveshjes së Prespës në parlamentin grek, si drejtues i opozitës, ai po bënte gjithçka që mundet për të parandaluar ratifikimin e e saj.
Mitsotakis e ftoi Zaevin që të përmbushë detyrimet në bazë të marrëveshjes, veçanërisht në lidhje me mbrojtjen e markës tregtare, në përputhje me afatet kohore.
Zaev tha që qeveria e tij është e angazhuar për zbatimin e Marrëveshjes së Prespës.
Ai shtoi se zbatimi i marrëveshjes do të rrisë investimet greke në Maqedoninë Veriore, ndërsa Mitsotakis tha se mungesa e një marrëveshje në të kaluarën nuk e ka penguar atë të ndodhë.
Mitsotakis dhe Zaev u takuan dje për herë të parë, në kuadër të Asamblesë së Përgjithshme të Kombeve të Bashkuara në Neë York. /tesheshi.com/
