Armenia dhe Azerbajxhani kanë rënë dakord për një armëpushim në rajonin e Nago-Karabakut, duke filluar nga e shtuna në mesditë, dhe për të shkëmbyer të burgosur dhe trupa të vrarë në përleshje, tha Ministri i Jashtëm rus Sergei Lavrov të shtunën në mëngjes.
“Një armëpushim njoftohet nga mesdita e 10 tetorit 2020, me qëllime humanitare,” lexoi Lavrov deklaratën pas dhjetë orësh negociatash midis ministrave të Jashtëm të Armenisë dhe Azerbajxhanit.
Ai gjithashtu shtoi se Armenia dhe Azerbajxhani kanë rënë dakord për negociata për t’i dhënë fund konfliktit.
Ky takim i shefave të diplomacisë së palëve ndërluftuese është kontakti i parë i drejtpërdrejtë midis Armenisë dhe Azerbajxhanit që nga shpërthimi i konflikteve të reja më 27 shtator.
Që nga ajo kohë, më shumë se 400 njerëz janë vrarë në luftime në Nago-Karabak, një enklavë malore që është zyrtarisht pjesë e Azerbajxhanit, por që drejtohet nga armenët etnikë. /tesheshi.com
