Ekipet e shpëtimit gjetën dy trupa të tjerë nga rrënojat e ndërtesës ku ndodhi një shpërthim të dielën në një zonë tregtare të Jerevanit, kryeqyteti i Armenisë, duke e rritur numrin ende të përkohshëm të vdekjeve në 5, raportoi TASS, duke cituar autoritetet armene.
At least one person has died and many more are injured after a strong explosion at a fireworks storage hit a large market in Armenian capital Yerevan.
Read more: https://t.co/5tZerE2fAs pic.twitter.com/DPYoGcaUdJ
— Sky News (@SkyNews) August 15, 2022
Shpërthimet e përsëritura, të cilat sipas informacioneve gazetareske kanë ndodhur në një vend ku ruheshin fishekzjarrët, kanë shkaktuar shembjen e pjesshme të një ndërtese në tregun e shumicës së Surmalou. Dhjetëra persona u plagosën.
Ky treg zakonisht është i mbushur me njerëz të dielave.
In Yerevan, Armenia’s capital, a shopping center exploded, however, I have never seen a “shopping center” having dozens of secondary explosions. #Armenia #Yerevan pic.twitter.com/AjPMnUnI5D
— (((Tendar))) (@Tendar) August 14, 2022
“Në bazë të të dhënave paraprake ka ndodhur një shpërthim që ka shkaktuar zjarr”, tha Ministria e Situatave të Emergjencave në njoftimin për mediat.
Mbi gjashtëdhjetë persona po trajtohen në spitale.
Fatkeqësia në Jerevan e zhyt Armeninë në zi, ndërsa vendi po kalon një periudhë të vështirë.
Shteti i vogël i Kaukazit me rreth tre milionë banorë nuk është rikuperuar ende nga lufta e vitit 2020 me Azerbajxhanin fqinj, në të cilin pësoi një disfatë të rëndë që shkaktoi një krizë të madhe politike.
Një shenjë e nervozizmit në rritje: menjëherë pas shpërthimit në tregun Surmalu, metroja e Jerevanit u evakuua për shkak të një kërcënimi me bombë, thanë autoritetet, duke sqaruar më vonë se nuk ishte gjetur asnjë mjet shpërthyes. /tesheshi.com/
