Armatosja me Bayraktar e rivalit historik të Serbisë në Ballkan

Ministria e Mbrojtjes e Kroacisë nënshkroi një kontratë me prodhuesin turk të mjeteve ajrore pa pilot (UAV) Baykar të enjten në Zagreb për prokurimin e sistemit të avionëve pa pilot Bayraktar TB2, njoftoi kompania.

Kontrata u nënshkrua nga zëvendëskryeministri dhe ministri i Mbrojtjes kroat Ivan Anushiç dhe CEO i Baykar-it, Haluk Bayraktar.

“Bayraktar TB2, platforma kryesore e mbrojtjes së Turqisë, do të bashkohet me inventarin e forcave kroate të sigurisë dhe do të fillojë operacionet në hapësirën ajrore kroate”, thuhet në deklaratë, transmeton Anadolia.

Shtohet se me këtë, një tjetër anëtar i NATO-s dhe Bashkimit Evropian ka shtuar në inventarin e tij Bayraktar TB2.

“Bayraktar TB2, i përshkruar nga ekspertët si një UCAV (mjete luftarake ajrore pa pilot), e cila transformon natyrën e luftës, favorizohet nga vendet në Azi, Afrikë dhe vendet anëtare të NATO-s dhe BE-së”, tha Baykar.

Në deklaratë thuhet se që nga nëntori, dronët luftarakë turq janë funksionalë në inventarin e gjashtë vendeve anëtare të NATO-s dhe katër vendeve anëtare të BE-së.

Bayraktar TB2, i cili hyri në inventarin e Forcave të Armatosura Turke në vitin 2014, prodhohet pothuajse tërësisht nga burime vendase.

Ministria e Mbrojtjes e Kroacisë deklaroi se bëhet fjalë për blerjen e gjashtë dronëve modernë, të armatosur.

“Vlera e kontratës është 67.01 milionë euro (pa TVSH), dhe Bayraktari do të jetë në përdorim operacional nga Ushtria Kroate deri në fund të shtatorit 2025”, thuhet në të.

Duke theksuar rëndësinë e përshtatjes së shpejtë të sistemeve të mbrojtjes me situatën aktuale të sigurisë, Anushiç tha se ky sistem i ri i avionëve pa pilot do të forcojë më tej aftësitë e Ushtrisë Kroate.

Kujtojmë se Kroaci është ndër fqinjët aspak mike për Serbinë dhe tërësisht mike me faktorinb shqiptar në rajon. Dhe para se lufta gjatë shpërbërjes së Jugollavisë të përpinte Bosnjën, ajo u shpërtheu rëndshëm në Kroaci, ku serbët shenjëstruan Dubrobvnikun aso kohe, një ndër qytetet simbol të Kroacisë në brigjet e Adriatikut. Mes tyre ka një rivalitet gati historik. Ndaj dhe shërbërja e Jugosllavisë nisi nga një përballje futbollistike kroato-serbe, Hajduk-Crvena Zvezva. /tesheshi.com/