Shprehja “nëse nuk keni armë shkoni e gjeni, ia rëmbeni atij qeni”, nuk vlen më për realitetin shqiptar, pasi janë pikërisht armiqtë e djeshëm, ideologjikë e ushtarakë, që po na i dhurojnë vetë.
Kështu, pas një kontigjenti mjetesh të blinduara të dhuruara nga ushtria amerikane për atë shqiptare, vjen dhe dhuratë nga Italia, sicc u bë me dije nga ministrja Xhaçka në Komisionin e Sigurisë.
“Janë rreth 230 mjete të blinduara dhuratë e qeverisë amerikane që nëse do të bliheshin të reja mund të kapnin vlerën 40 mln dollarë. Në fund të këtij viti ministria italiane e Mbrojtjes do të dhurojë 5 mijë armë automatike, vlera e të cilave nëse do të bliheshin do të kapte 6 mln euro. Po ashtu përfitojmë nga granti i përvitshëm turk rreth 1 mln dollarë në vit”, tha gruaja në krye të ushtrisë shqiptare. /tesheshi.com/
