Sulmuesi i Kombëtares së Shqipërisë, Armando Sadiku është zyrtarisht lojtar i klubit të Levantes në kampionatin spanjoll.
Vetë skuadra spanjolle e ka zyrtarizuar këtë blerje të re për të, duke e mikpritur sulmuesin me një fjali në gjuhën shqipe: Sadiku Mirësevini!
Në faqen zyrtare të klubit është postuar edhe një video me golat e sulmuesit shqiptar, si për të bindur tifozët se cfarë di të bëjë më mirë Sadiku.
Sipas informacioneve mediatike, Levante i bëri ofertë 1 milion euro, klubit ku Armando Sadiku luante deri në momentin e transfertës, Legias së Varshavës.
Eksperienca e 28-vjeçarit në skuadrën polake nuk shkoi sic mendohej, e sulmuesi shqiptar kërkonte më shumë hapësirë. Edhe pse e blenë për 750 mijë euro, polakët kanë pranuar ta japin sulmuesin e tyre tek Levante.
Klubi i ri i Armando Sadikut lufton për mbijetesë dhe ndodhet në vendin e 16-të në La Liga.
Shqiptari do të gjejë aty edhe një tjetër bashkëkombas, si Enis Bardhi, të cilit nuk iu dha e drejta për të luajtur për ngjyrat e Kombëtares së Shqipërisë.
Por fakti që Sadiku do të luajë në kampionatin spanjoll, merr efektin e bujës, sepse herët a vonë, ai do të luajë kundër Cristiano Ronaldos, apo Lionel Messit. /tesheshi.com/
