Arkitekti Bjarke Ingels, një ndër më famshmit në botë sot, njeriu prej të cilit ka dalë projekti i Teatrit të ri Kombëtar, ka folur në kulmin e zhurrmnajës mbi fatin e godinës. Ai ka mbrojtur qëndrimin se teatri ekzistues duhet të prishet, duke sjellë dhe një shembull nga Barcelona.
“Shumë prane me hapësiren ku ndodhemi (Qendra Kulturore Bashkëkohore të Barcelones), është Muzeu i Artit Bashkëkohor të Barcelonës. Edhe në këtë hapësirë ndodheshin disa ndërtesa ushtarake të vjetra në atë kohë që u shembën. Patjetër që edhe atëherë kishte njerëz të shqetësuar që pyesnin ç’po ndodh, përse po i ndryshoni gjërat, çfarë do të ndërtohet. Por mendoj se po ata njerëz sot, 30 vjet më vonë, janë tejet të lutmur që morën këto vendime të rëndësishme në vitet ’80, dhe mendoj që Tirana ndodhet ne nje moment të ngjashëm sot“, tha Bjarke Ingels.
Ai ka rrëzuar çdo mundësi që teatri ekzistues të mund të rikonstruktohej.
“Dy volumet e holla te godinave ekzistuese nuk janë ndërtuar me qëllimin për të funksionuar si Teatër Kombëtar, nuk kane dimensionet fizike për të mbajtur një audiencë të madhe. Nuk ka hapësira për skenat anësore, çka do të thotë që nuk e ka lirinë për të krijuar larmishmëri në shfaqje, nuk ka lartësinë e mbiskenës, nuk ka një nenskene: pra teatri nuk ka gjeometrinë për të funksionuar si një Teatër Kombëtar.”
“Ne e studiuam me shumë kujdes hapësirën dhe mundësinë e përdorimit të dy godinave ekzistuese, por ato janë jashtëzakonisht të ngushta. Gjithmonë të duhet edhe mundësia e lëvizjes së materialeve nga dy anët e skenës nëse ke një shfaqje të madhe si për shembull Otello, Hamleti apo Mbreti Lear. Dhe mendoj se me shumë se pyetja a duhen mbajtur apo jo dy godinat e ndërtuara me qëllim argëtimin e ushtarakëve, pyetja është a duhet të ketë qendra e Tiranës një teatër të vërtetë Kombëtar, të projektuar dhe ndërtuar me qëllim që të jetë Teatër Kombëtar“, tha arkiteti danez nga Barcelona, duke iu përgjigjur pyetjeve të një gurpi gazetarësh nga Tirana. /tesheshi.com/
