Aleanca e Haradinajt përmes zyrtarëve të saj vazhdon të kërkoi largimin e qeverisë pasi thotë se ka dështuar në procese të mëdha. Kryetari i degës së AAK-së në Prishtinë, Avni Arifi, përmes një postimi në Facebook thotë se qeveria “Mustafa” së bashku me Murat Mehën duhet të largohen, pasi me vendimet që kanë marrë kanë dëmtuar liberalizimin e vizave dhe proceset tjera integruese.
“Qeveria e Kosovës ka dështuar rëndë në procesin e demarkacionit me Malin e Zi. Ky dështim e ka dëmtuar edhe procesin e liberalizimit të vizave dhe proceset tjera integruese. Në vend se të derdēlliset nepër Europë. kryeministri Mustafa më mirë të shkarkoj Murat Mehën si hap i parë drejt zgjidhjes së demarkacionit. Asnjë njeri nuk mund ta amnistoj Murat Mehën nga defektet profesionale siç nuk mund të amnistohet politikisht as Isa e as Hashimi. Është i domosdoshëm krijimi i komisionit të ri shtetëror për demarkim ashtu siç është e domosdoshme një qeveri e re e Kosovës”, thotë Arifi.
Ndryshe, së fundmi janë shtuar zërat për zgjedhje të parakohshme ku qershori shihet si muaji më i mundshëm që qytetarët t’i drejtohen kutive të votimit. /tesheshi.com/
