Kryeministri Rama qe për ngushëllime në shtëpinë e Arian Salës, 33-vjeçarit që humbi jetën duke shpëtuar dhjetra jetë të tjera nga një zjarr që të ditë më parë në një magazinë te Casa Italia.
Veç kësaj, Rama i dorëzoi familjes titullin e akorduar “Dëshmor i Atdheut” për aktin e tij të lartë, si dhe premtoi ndihmë nga shteti për vajzën e mbetur jetime. 
“Ka bërë një heroizëm të madh dhe shumë të rrallë në këto kohë. Natyrisht që jeta s’ka çmim, s’kthehet, por sidoqoftë ne menduam se është detyra jonë ta shpallim dëshmor atdheu.
Do ta mbështesim me sa kemi mundësi familjen e tij të vogël dhe fëmijën. Një shumë të vogël për familjen, këto të gjitha më shumë në shenjë respekti se sa bëjnë ndonjë ndryshim
E di se është e tmerrshme, se imagjinoj dot, por thashë duhet të jeni shumë krenarë sepse ka bërë një akt ka shpëtuar shumë njerëz. Do ishin shumë familje duke qarë sot. Duhet të jeni shumë krenarë. Disa gjëra janë të pashpjegueshme”, tha Rama. /tesheshi.com/
