Vdekja e zv/ministrit të Diasporës në Kosovë Arian Daci, njëherësh i biri i akademik Nexhad Dacit, ish-kreu i Kuvendit të Kosovës, po përjetohet me dhimbje në të gjithë opinionin kosovar, që nga elita politike e deri te njerëzit e thjeshtë. Ai humbi jetën aksidentalisht i zënë nga një ortek bore në Brezovicë, teksa ishte për skijim, pas së cilit ishte i apasionuar.
Dhe ndër kujtimet për të, është ai i një njeriu që dhuronte gjak për të sëmurët.
“Transfuzioni
i Gjakut sot humbi një dhurues vullnetar të gjakut, z. Arian Dacin.
Jam i sigurt se të tjerë do ta zëvendësojnë vendin e munguar, por tek ne (stafi
i Transfuzionit) do të mbesin kujtimet prej një humanisti, i cili ndihmoi të
sëmurët me atë që kishte mundësi, gjakun e tij. Do të na mungojë buzeqeshja dhe
do të mbetet e paharruar vepra e tij.
Zoti e mëshiroftë, e u preftë ne paqe!”, shkruan doktor Jeton Zenuni nga
grupi Shëndeti dhe Familja, që gjithashtu drejton një fushatë për dhurim gjaku.
/tesheshi.com/
