Me një Messi që ka dhënë “shenja jete” me anë të një goli në fillimet e ndeshjes, e më pas një goli përvoje nga fundi i saj me autor Rojo, Argjentina ka arritur të mos turpërohet e ta kalojë turin e parë në grupe, pas të cilit e pret Franca.
Nigeria përballë saj, jo vetëm që barazoi, por nëse do ishte treguar më e kujdesshme përballë portës, prej shumë rasteve që pati, do e kish “dhënë valixhet” Messit me shokë. Por fati qe me përvojën amerikanolatine e jo me naivitetin afrikan.
Ndërsa në takimin tjetër, Kroacia ka bërë detyrën ndaj Islandës, me një fitore të ngushtë 2-1. /tesheshil.com/
