A mund ta dënojë Organizata Ndërkombëtare e Futbollit (FIFA) futbollistin më të mirë argjentinas, Lionel Messi, pyesin të frikësuar mediat argjentinase në prag të gjysmëfinales së Botërorit kundër Kroacisë.
FIFA hapi procedurat disiplinore ndaj ekipeve kombëtare të Argjentinës dhe Holandës për shkak të numrit rekord të kartonëve të verdhë gjatë ndeshjes së tyre çerekfinale, kur gjyqtari spanjoll Antonio Lahoz dha gjithsej 18 kartonë sosh.
Megjithatë, mediat argjentinase po komentojnë me frikë faktin se Messi ka bërë një koment shumë negativ për gjyikimin e spanjollit, i cili është rreptësisht e ndaluar me një nga ligjet e FIFA-s.
Ai tha për një pjesë të mediave se “nuk dua të flas për gjykimin sepse mund të ndëshkohem, por të gjithë e panë se çfarë ndodhi”. Gjithashtu, Messi ka folur për media të tjera dhe dukë thënë se “holandezët barazuan në 2-2 pas një faulli inekzistent”, e cili ishte vetëm një vazhdimësi e “përgjithësisht e keqe e gjykimit”.
Në prag të ndeshjes gjysmëfinale kundër Kroacisë, e cila do të luhet të martën në orën 20:00 në stadiumin Lusail, theksohet dhe mungesa e dy argjentinasve ndaj Kroacisë për shkak të kartonëve të verdhë.
E ndërsa mungesa e Gonzalo Montiel duhet të zëvendësohet më lehtë, problem i madh mund të jetë mungesa e Marcos Acuna. Lojtari me përvojë 31-vjeçar i Sevillas, Acuna, bëri një lojë të shkëlqyer në krahun e majtë të Argjentinës dhe është, deri tani, një nga lojtarët më të mirë argjentinas në kampionat. /tesheshi.com/
