Argjentina rrezikon të turpërohet në prag të Botërorit 2018, pasi mund të mos kualifikohen në grupin e Amerikës së Jugut. Mesi dhe shokët e tij nuk kanë mundur të fitojnë ndaj Perusë, në ndeshje me një kundërshtar direkt, duke e mbyllur takimin 0-0. Pavarësisht rasteve që kanë krijuar dhe dy shtyllave, “celestët” nuk e kanë gjetur rrugën e golit.
Nga ana tjetër, peruanët janë mbrojtur me rregull dhe janë përpjekur të kundërsulmojnë, në një rast shumë rrezikshëm.
Në këtë mënyrë Argjentina aktualisht mban vendin e 6-të në kualifikueset e Amerikës Latine, ku 4 skuadrat e para kalojnë direkt, ndërsa e pesta, luan play off me një skuadër të Oqeanisë. Aktualisht i kualifikuari i parë është vetëm Brazili, ndërsa Uruguaji që të premten në mëngjes barazoi 0-0 në Bolivi, duhet të marrë edhe një barazim në shtëpi, për të siguruar matematikisht kualifikimin.
Në vendin e tretë renditet Kili, ndërsa e katërta Kolumbia. Peruja e vendit të pestë shpreson ta mbyllë në këtë pozicion renditjen, për të luajtur mundësinë e rikthimit në një kampionat Botëror, pas 36 vjetësh. Në Buenos Ajres, mediat po kryqëzojnë trajnerin Sampaoli dhe Leo Mesin, duke i cilësuar argjentinasit, lojtarë “të lodhur” e “pa gjak”. /tesheshi.com/
