Argjendari 67-vjeçar Mario Rogero, i cili prillin e kaluar ndoqi, qëlloi dhe vrau dy grabitës të cilët hynë në dyqanin e tij, e që pasi ia lidhën dhje vajzën tentuan të iknin me plaçkën e tyre të vlefshme, tashmë akuzohet për vrasje.
Sipas akuzës, argjendari nga Italia është vënë në ndjekje të tre grabitësve të cilët tashmë kishin dalë nga dyqani i tij dhe qëlluan “me qëllimin për t’i vrarë, duke tejkaluar qëllimisht kufijtë e mbrojtjes së ligjshme”.
Videoja e kamerave të sigurisë tregon momentin kur grabitësit hynë në argjendarinë pasditen e 28 prillit. Tre grabitësit që kishin thika dhe një armë, e cila më pas rezultoi e rreme, kërcënuan se do të vrisnin 67-vjeçarin dhe i lidhën vajzën.
https://youtu.be/o2srzqC2zpE
“Më vjen keq që ndodhi, por s’kishte rrugë tjetër”, tha argjendari pas arrestimit.
Sipas shkresave të lëndës, argjendari që ka ndjekur grabitësit, ka qëlluar pesë herë, si pasojë dy prej grabitësve kanë rënë të vdekur pak metra larg argjendarisë, ndërsa i treti ka mbetur i plagosur dhe është dërguar në spital.
Vihet re se biznesi i 67-vjeçarit kishte qenë edhe në shënjestër të grabitësve në maj të vitit 2015 kur dy grabitës, njëri prej të cilëve ishte maskuar si grua, e lidhën dhe e rrahën brutalisht. /tesheshi.com/
