Nga Londra ku ndodhet prej ditësh, pa thënë nëse do kthehet apo jo, Arben Ahmetaj ka përcjell një tjetër mesazh, duke pretenduar se drejtësia po bën padrejtësi ndaj tij, referuar faktit se Byroja e Hetimit ka kryer një tjetër kontrolli në vilën e familjarëve të tij në Lalëz.
Sot u bë raprezalja e radhës në familjen time, nga mosha 82 vjeç e poshtë. Madje pleqve iu janë marrë dhe celularët, në kërkim të provave për ‘inceneratorët’.
Ndërsa ‘spin doctor’/kontakt inceneratorësh, ka qarkulluar lajmin e rremë se qenkan transferuar 1,8 milionë euro…Në vend të merren me fondet e inceneratorëve, merren me 1,8 milione euro imagjinarë. Fake neës e prodhuar në laboratorët e ortakërisë mediatike dhe jo vetëm, të inceneratorëve”, shkruan ish-njeriu i fuqishëm i socialistëve, tashmë pa imunitet, në pritje për t’u arrestuar nga SPAK.
Por deri më tani, shenjat janë që ai nuk do kthehet.
Siç mund të dallohet dhe në këtë mesazh të shkurtër, ngjashëm si në atë të gjatin ditën kur parlamenti do votonte për imunitetin e tij, komunikimi publik i Ahmetajt është në kufijtë e të rëndomtës.
Paçka pushtetit të madh të të qënit figurë publike në vite, Arben Ahmetaj ka vuajtur ngë një ligjërim i dobët publik, pa aftësi imponuese, pa tregues të spikatur kulturore dhe finese shprehëse. /tesheshi.com/
