Terrorizmi ndërkombëtar do të ketë të bëjë dhe me një kundërshtar më tepër, e pikërisht me aleancën ushtarake të 34 shteteve përgjithësisht muslimane.
Duke iu referuar një deklarate të përbashkët të publikuar në agjencinë shtetërore të lajmeve, SPA, Arabia Saudite ka lajmëruar formimin e një koalicioni ushtarak prej 34 shtetesh për të luftuar terrorizmin.
Në të përfshihen shtetet e Gjirit Persik, një sërë shtetesh afrikane, aziatike dhe të Lindjes së Mesme, mes të cilave Malajzia, Turqia, Pakistani e Egjipti, ndërkohë që aleanca e udhëhequr nga sauditët do ta ketë bazën në Riad.
“Detyra për ta mbrojtur ummetin islam nga e keqja e grupeve dhe organizatave terroriste” është një prej synimeve të formimit të kësaj aleance ushtarake.
Në atë çka bëri të ditur Muhammed bin Selman, ministri i Mbrojtjes i Arabisë Saudite, shtetet e koalicionit do të punojnë së bashku për të vënë në shenjë çdo organizatë terroriste, e jo vetëm ISIS-in. Sipas tij, operacionet ushtarake do të kryhen në përputhje me ligjet e vendit dhe në bashkëpunim me bashkësinë ndërkombëtare. /tesheshi.com/
