Mbreti Saudit Salman ka lëshuar një urdhër që shfuqizon pjesërisht shtetrrethimin në të gjitha rajonet e mbretërisë, ndërsa një shtetrrethim 24-orësh mbetet në fuqi në Mekë.
Arabia Saudite shtrëngoi masat më 2 prill dhe vendosi një shtetrrethim 24-orësh në qytetet e shenjta të Mekës dhe Medinës.
Ka shumë të ngjarë që për herë të parë në historinë moderne të ketë një shtyrje të Haxhit, i cili duhet të organizohet në fund të korrikut.
Miliona njerëz udhëtojnë çdo vit në Arabinë Saudite për të kryer Haxhin, që është një nga pesë shtyllat e Islamit që çdo musliman duhet të praktikojë të paktën një herë në jetën e tij, nëse është e mundur.
Pelegrinazhi në Arabinë Saudite është biznes i madh, dhe po bëhen plane për të rritur numrin e vizitorëve, nën udhëheqjen e Princit të Kurorës, Mohamed bin Salman.
Anulimi i Haxhit do të ishte një veprim i paparë në epokën moderne, por ndrydhja e vizitës së haxhilerëve nga zonat në rrezik tashmë është duke ndodhur, siç në rastin me Ebola-n.
Mbreti Salman ka paralajmëruar për një luftë “edhe më të vështirë” kundër koronavirusit, ndërsa mbretëria po përballet me një sfidë të dyfishtë mbi ekonominë – luftën kundër virusit dhe rënien e çmimeve të naftës. /tesheshi.com/
