Arabia Saudite dhe Emiratet e Bashkuara Arabe, dy shtetet e Gjirit, prezantuan për herë të parë Tatimin mbi vlerën e shtuar (TVSH-në), për shkak të kostove të larta që ata investojnë në burimet ushtarake dhe rënies së çmimeve të naftës në tregun botëror.
Eksportuesi më i madh i naftës në botë, Arabia Saudite, njoftoi të dielën një rritje prej 127 përqind për karburantet e klasit të lartë dhe 83 përqind për karburantet e klasit të ulët dhe vendimi hyri në fuqi mesnatën e së hënës.
Futja e TVSH-së me 5 për qind u arrit në qershor të vitit 2016 midis përfaqësuesve të gjashtë vendeve të Këshillit të Bashkëpunimit të Gjirit, të cilën përveç Arabisë Saudite dhe Emirateve të Bashkuara Arabe e përbëjnë edhe Bahreini, Kuvajti, Omani dhe Katari.
Megjithëse fillimisht u pajtuan që shtetet e lartpërmendura do të fusin TVSH-në në të njëjtën kohë, Bahreini, Kuvajti, Omani dhe Katari do ta bëjnë këtë me vonesë dhe do ta prezantojnë atë në vitin 2019.
Shtetet e Gjirit kanë tërhequr shumë punëtorë me një premtim të jetës pa tatimin mbi vlerën e shtuar, por tani qeveritë e shteteve të rajonit duan të rrisin të ardhurat për shkak të çmimeve të ulëta të naftës.
Çmimet e naftës kanë qenë më të ulëta që nga fillimi i krizës financiare, dhe duke futur një taksë të re, të gjashtë shtetet arabe shpresojnë të ndihmojnë ekonominë, por edhe qytetarët të jenë më pak të varur nga nafta dhe gazi. /tesheshi.com/
