Petrit Selimi, numri dy i diplomacisë kosovare, ka marrë një çmim ndërkombëtar në Doha të Katarit, për si i angazhuar në dialogun ndërfetar. Por për shumëkënd në Kosovë ky çmim ngjall habi, pasi tek figura e Selimit më shumë se dialogu ndërfetar, është parë paragjykimi fetar gjatë ligjërimeve të tij publike.
Paradoks përbën në këtë rast dhe fakti që Petrit Selimi e merr këtë çmim nga arabët, që fshikullohen jo pak me deklarata nga ajo pjesë e elitës kosovare ku bën pjesë dhe Selimi.
Por çka ndodhur më tej, sepse bën habi fakti se për ç’dialog ndërfetar bëhet fjalë në Kosovë, ku dihet që aty nuk është realiteti i Shqipërisë me tre komunitete fetare potente, ku dialogu është vërtet i nevojshëm?!
Lexojeni këtë deklaratë:
“Në vitet e fundit, Kosova është bërë qendër e promovimit të agjendës dialogut, tolerancës dhe harmonisë në mes feve, duke nënvizuar se personi që ka shtyrë agjendën e dialogut jo vetëm në Kosovë, por edhe në mbarë botën është zëvendësministri Selimi”, është shprehur ministri Al Mohannadi, që ia dorëzoi çmimin zëvëndëministrit Petrit Selimi.
Por siç duket zyrtari arab ka ngatërruar dialogun ndërfetar me atë ndëretnik, pasi kjo doli në pah nga fjala e Selimit:
“Kosova është shembull i tejkalimit të dhembjes së dhunës për t’u bërë eksportuese e nismave të dialogut dhe bashkëpunimit në mes fqinjëve në Ballkan por edhe më gjerë. Në kohën kur e tërë bota është shqetësuar nga tragjedia në Siri, ne e kemi dëshmuar se është e mundur që të nisim një kapitull të ri edhe pas momenteve më të errëta dhe më të pashpresa”.
Pra, siç shihet, nuk flitet asgjëkundi për dialog ndërfetar, por për dialog ndëretnik. Dhe për, këtë, Petrit Selimi ka dhe një foto simbolike, atë me ministrin e jashtëm, Daçiç. /tesheshi.com/
