Me çmime që fillojnë nga 1,199 dollarë, iPhone 15 Pro Max i ri i Apple i prezantuar së fundmi është telefoni më i shtrenjtë i kompanisë deri më tani.
Zyrtarisht Apple deklaron se çmimi i modelit Pro Max me 256 gigabajt memorie është i njëjtë me vitin e kaluar. Por meqenëse kompania ka vendosur të heqë modelin më të lirë 128 gigabajt, ajo në mënyrë efektive ka rritur çmimin minimal që dikush duhet të paguajë për të marrë një Pro Max me 100 dollarë në krahasim me vitin e kaluar.
Vihet re se iPhone 15 fillon nga 799 dollarë dhe iPhone 15 Plus më i madh nga 899 dollarë.
Sa i përket çmimeve në Evropë, këto ende nuk janë bërë të ditura, por sipas raportimeve të huaja, iPhone 15 do të fillojë nga 949 euro në Gjermani dhe iPhone Pro Max nga 1,449 euro.
Grafiku tregon rritjen e ndjeshme të çmimeve të iPhone gjatë viteve të fundit.
Apple po kërkon të “shtyjë” blerësit drejt modeleve Pro, të cilat u promovuan për herë të parë në vitin 2019, duke rritur të ardhurat e kompanisë. Në fakt, Apple ka rritur të ardhurat e saj me të paktën 44% që nga viti 2019, ndërsa dërgesat e produkteve të saj janë rritur vetëm me 15% gjatë së njëjtës periudhë, siç theksohet nga Wall Street Journal.
IPhone ende përbën rreth gjysmën e të ardhurave të kompanisë. /tesheshi.com/
