Prezantimi i iPhone 12, smartphone i parë i Apple me teknologjinë 5G, pritet më 15 shtator, sipas njoftimit të kompanisë.
“Ngjarja e Apple, bashkohuni me ne! Direkt nga Apple Park, më 15 Shtator në 10.00 (17.00 GMT)”, thuhet sot në faqen e internetit të gjigandit të teknologjisë.
Apple nuk ka zbuluar asgjë më shumë, por kompania ka prezantuar modelet e saj të reja në vjeshtë për vite me rradhë.
Analisti i Wendbush, Daniel Ives shkroi dje se Apple dhe furnizuesit e saj aziatikë presin kërkesë më të lartë për modelin e madh 17 centimetra, duke çuar në një pritje që iPhone 12 të jetë telefoni i kësaj dekade. Sipas këtij analisti, kompania amerikane mund të shesë më shumë se 75 milion telefona.
Zëvendësimi me një model të ri
Ai vlerësoi se më shumë se një e treta e 950 milion iPhone në përdorim në botë, ose 350 milion copë, mund të zëvendësohen nga një model më i ri në muajt e ardhshëm. Argumenti kryesor do të jetë mundësia e përdorimit të lidhjeve ultra të shpejta 5G, në një kohë kur pajisjet e kësaj gjenerate të re të celularëve tashmë po ofrohen në Korenë e Jugut dhe Kinë.
Dy udhëheqës në sektor, Samsung i Koresë së Jugut dhe Huawei i Kinës tashmë kanë prezantuar më shumë modele me 5G.
Pavarësisht tensioneve tregtare dhe politike me SHBA, Ives vlerëson se tregu kinez është ende vendimtar për Apple dhe se mund të pritet një kërcim i kërkesës në Indi. /tesheshi.com/
