Raportohet se Apple do të nxjerr në treg tre iPhone të rinj vitin e ardhshëm, përfshirë një model Premium me ekran të lakuar, të ngjashëm me ato të përdorura nga pajisjet Samsung.
Ky informacion është bërë i ditur nga Nikkei Asian Review, e cila citon një burim anonim, por që thuhet se “i njeh mirë planet e Apple-it”.
Për momentin përshkrimi i kësaj pajisjeje është mjaft i paqartë. Nikkei gjithashtu citon një burim sipas të cilit do të jetë Samsung-u që do ta furnizojë Apple-in me ekranet e rinj. Sipas asaj që thuhet, iPhone do të përdorë teknologjinë OLED për ekranet e rinj.
Pritet që Apple t’i zbulojë iPhonët e rinj në fillim të muajit të ardhshëm. Sipas burimeve të siguruara nga Nikkei e të raportuara më herët nga Bloomberg, modeli prej 5.5 inç do të ketë një sistem me dy kamera ballore, ndërsa modeli prej 4.7 inç do të përdor vetëm një kamër.
Pritet që këto modele të jenë pak a shumë të ngjashme me dizajnin e iPhone 6 dhe 6s, me disa ndryshime të vogla. /tesheshi.com/
