Ka qenë apokaliptike ajo që ka ndodhur në Grupin F. Gjermania, kampione bote, i ka dhënë “Lamtumirën” Botërorit pasi është mundur 2-0 nga Koreja e Jugut.
Drama është luajtur në fundin e ndeshjes, kur rezultati po shkonte në barazim, por që aziatikët nuk rreshtin së kërcënuari portën e gjigandëve të futbollit me një lojë spaktakolare.
Deri sa erdhi dhe goli, i verifikuar nga sistemi VAR pas një anullimi për pozicion jashtë loje. Më pas, nga dalja dhe e Nojerit për të kontribuuar në një barazim të mundshëm, erdhi goli i dytë më portë bosh.
Ishte ky kapitullimi më i turpshëm i Gjermanisë në gjithë historinë e vet. Dhe ndodhi duke qenë kampion në fuqi. Vërtet apokaliptike!
Ironia është se kjo fitore e Koresë së Jugut ishte thjesht për prestigj. Pasi të kualifikuar janë Suedia e Meksika. Ndeshja mes tyre përfundoi po ashtu me një rezultat të papritur, 3-0 në favor të nordikëve, përballë meksikanëve befasues. /tesheshi.com/
