Kryetari i Partisë Demokratike, Lulzim Basha e cilësoi mision të pamundur kërkesën e kryeministrit Rama drejtuar trupit diplomatik shqiptar nëpër botë, për të afruar sa më shumë investime të huaja. Përmes një statusi në rrjetin social “Facebook”, Basha shkuan se përgjegjës për largimin e investitorëve të huaj është pikërisht kryeministri, i cili ka përkeqësuar, sipas tij, edhe klimën e biznesit për shkak të korrupsionit dhe rritjes së taksave.
“Kryeministri i pashpresë dhe i korruptuar deri në rrënjë, e di se në Shqipëri mund të investojnë apo marrin tendera vetëm ata që pranojnë të dorëzojnë kapar 30- 50% të fitimit tek ai, përmes sejmenëve të tij të kapur në përgjime. Ambasadorët e kanë mision të pamundur sjelljen e investitorëve të huaj, sepse në 4 vitet e fundit raportet ndërkombëtare flasin vetëm për përkeqësimin e klimës së biznesit, për rritjen e taksave, për korrupsionin e përhapur në çdo nivel të qeverisjes” shton më tej Basha.
Po në të njëjtën linjë, ka qenë edhe deputetja Jorida Tabaku, e cila përmes një reagimi, thotë se qeveria, më në fund, pranoi dështimin me investimet e huaja. /tesheshi.com/
