Kreu i diplomacisë serbe, Ivica Daçiç nuk beson në sinqeritetin e presidentit Thaçi, pas apelit të këtij të fundit se taksa doganore ndaj Serbisë duhet të hiqet, për shkak se këtë po e kërkojnë dhe aleatët amerikanë.
“Mendoj se nuk duhet ta idealizojmë shumë Thaçin. Nëse keni lexuar, Hoxhaj dhe Veseli kanë deklaruar se ka qenë ideja e tyre vendosja e taksës prej 100 për qind, kurse Veseli është njeri i Thaçit. Kjo është lojë e përbashkët, në të cilën duket se më së shumti do të ketë pasoja Haradinaj”, tha Daçiç.
Një ditë më parë, Thaçi, me anë të një statusi në FB, latë kuptuar se është kundër Haradinajt në këmbënguljen e këtij të fundit për të vijuar me taksimin 100 përqind, tashmë që dhe amerikanët po kërkojnë që të hiqet.
“Teket personale të asnjë lideri shtetëror nuk guxojnë të lëndojnë interesin tonë shtetëror dhe atë strategjik të SHBA-së për Kosovën e më gjerë. Veprimet populiste nuk guxojnë të cenojnë vizionin dhe vendimet strategjike të Kosovës.
Cenimi i raporteve me SHBA-në, i kësaj aleance të shenjtë, paraqet fillimin e cenimit të shtetit tonë”, shprehej Thaçi. /tesheshi.com/
