Tetori është muaji i ndërgjegjësimit për kancerin e gjirit, një sëmundje që prek 1 në 3 gra e vajza.
Nëse kjo sëmundje kapet në kohë mundësia për të shpëtuar jetën është shumë e lartë, ndaj gjatë gjithë muajit spitalet në vend ofrojnë ekzaminime të gjirit dhe fushata e ndërgjegjësimit është përqafuar nga shumë njerëz publikë.
Së fundmi kreu i ALUIZNI-t Artan Lame ka shoqëruar gratë dhe vajzat e institucionit që ai drejton për të bërë ekzmanimin përkatës.
Në një foto të publikuar në facebook sot ai bën apel për ministrat dhe drejtorët e tjerë që të bëjnë të njëjtën gjë.
“Ej, drejtorë, ministra, kryetarë, është muaji i luftës kundër kancerit të gjirit.
Vërini përpara në grup të gjitha gratë e vajzat e institucioneve tuaja dhe çojini të kryejnë egzaminimet përkatëse. Keni gjithë vitin pastaj kohë t’u kërkoni llogari për punën.
Është një moment ku ne meshkujt duhet të kujtohemi pa drojë për shenjtërinë e trupit femëror.
Në foto, sot në hyrjen e Spitalit Ushtarak, duke i dorëzuar drejtorit dr. Gjovalin Bushi dhe dr. Najada Kallashit, punonjëset e Aluizni-t për të kryer kontrollin”, shkruan Lame. /tesheshi.com/
