Gjykata e Apelit në Prishtinë ka konfirmuar pafajësinë e imamit të njohur Dr.Shefqet Krasniqi, akuzuar pak vite më parë për nxitje e urrejtjes, shtytje për terrorizëm dhe shmangie nga tatimi. Apeli thjesht ka pasuar me këtë vendim, atë të dhënë pak muaj më parë nga Gjykata Themelore të Prishtinës, e cili e nxorri krejtësisht të pastër ish-imami i Xhamisë së Madhe në kryeqytetin kosovar.
Kallxo.net që ka publikuar vendimin e Apelit, ofron disa pjesë ku veçohet ajo që flet për promovimin e tolerancës fetare nga ana e klerikut të njohur.
“Së pari qëndrimi i tij i qartë në raport me besimet tjera fetare duke promovuar tolerancën ndërmjet tyre dhe kundërshtimin sa i përket shkuarjes në Siri dhe së dyti, mbajtja konstante e këtyre qëndrimeve përgjatë viteve, çka tregon se përmbajtja e ligjëratave ‘Revolucioni Sirian’ dhe ‘Ndihmoni Sirinë’ nuk përmbajnë asnjë element shtytës apo nxitës”, thuhet në aktgjykim. /tesheshi.com/
