Nga Shkodra, nr.2 i PD-së Gazmend Bardhi, tha se një dialog i kërkuar nga ana e Brukselit – referuar apelit të ambasadorit Soreca përcjellë një ditë më parë – duhet të jetë me patjetër i sinqertë.
“Kjo është një përpjekje e tyre për të ndihmuar për daljen nga kriza, por dialogu duhet të jetë i sinqertë. Dialogu i sinqertë synon evidentimin e shkaqeve që e kanë çuar vendin këtu sot dhe marrjen e përgjegjësive të tyre. Shqiptarët nuk kanë nevojë për pazare, apo marrëveshje që zgjidhin kriza momentale”, tha Sekretari i Përgjithshëm demokrat.
Ai njoftoi se javën që vjen PD do të vendosë mbi stategjinë politike anti-qeveri të vjeshtës e tutje, duke besuar se Rama do mund të rrëzohet nga presioni opozitar.
Njëherësh, Bardhi tha se po javën tjetër do publikojë të dhëna mbi të kaluarën kompromentuese të Mark Babanit, kreut të ri të Bashkisë së Vaut të Dejës. /tesheshi.com/
