Kisha protestante nuk do të ndërtohet në Tërstenik, ashtu siç ishte marrë më herët vendimi. Në mbledhjen e së hënës të Kuvendit komunal të Drenasit është anuluar propozim-vendimi për ndërtimin e kësaj kishe.
Në këtë mbledhje është hequr komplet neni 2 i propozim-vendimit dhe është ndryshuar edhe arsyetimi i këtij propozim-vendimi, dhe si i tillë është miratuar me shumicë votash nga asambleistët.
Një ditë para se të mbahej mbledhja e Kuvendit komunal të Komunës së Drenasit, portali kombëtar tesheshi.com ka raportuar se në fshatin Tërstenik të Drenasit, në tokën që Komuna e Drenasit ia kishte dhënë për shfrytëzim kompanisë BI “Natyra”, do duhej të ndërtohej një hotel, ku do të investoheshin 200 mijë euro dhe ku do hapeshin tetë vende të reja pune.
Por më pas kishte ardhur një propozim-vendim që e njëjta tokë të destinohet për ndërtimin e një kishe protestante në Tërstenik të kësaj komune. /tesheshi.com/
