Përfaqësuesja e Kosovës nuk do të ndeshet me Burkina Fason në duelin miqësor të paralajmëruar për 2 shtator. Arsyeja e anulimit të kësaj miqësore mësohet të jetë lista e kombëtares nga kontinenti afrikan e cila ka përfshirë lojtarë të dorës së dytë.
Federata e Futbollit të Kosovës kishte paralajmëruar se nëse deri më 26 gusht Federata e Burkina Fasos nuk reflektonte ndryshimin e duhur sipas marrëveshjes, atëherë FFK-ja është e detyruar ta anulojë ndeshjen.
Kështu edhe ndodhi, pasi FFK-ja ka bërë të ditur anulimin e miqësores, ndërkohë është paralajmëruar një kamp për lojtarët që ishin të ftuar për atë takim.
Pas ndeshjeve me Haitin, Senegalin, Turqinë dhe Omanin, Kosova vazhdimisht ka pasur probleme që të gjejë kundërshtarë. /tesheshi.com/
