Metropoli turk po përgatitet prej ditësh për rreshje të dendura dëbore, që priten të nisin sot, për t’u ndalur më 2 janar. Sasia e borës së rënë, sipas parashikimeve sinoptike, pritet të jetë më e madhja në vitet e fundit.
Për këtë arsye, kompania ajrore turke Turkish Airlines ka njoftuar për anulimin e 142 fluturimeve, nga dhe drejt Stambollit. Shumë prej fluturimeve të anuluara janë brenda vendit, por ka gjithashtu mes tyre që qenë planifikuar për në Hamburg, Munih, Milano e Teheran.
Kompania lajmëron në një njoftim të publikuar në faqen e saj zyrtare për anulimin e disa fluturimeve në dy aeroportet e Stambollit, e se mund të ketë dhe probleme të tjera gjatë këtyre ditëve, çka do të thotë se mund të anulohen akoma fluturime.
Anulimi i fluturimeve të kompanisë Turkish Airlines nënkupton se edhe shumë fluturime të kompanive të tjera ajrore kanë për t’u anuluar. Situatë kaotike parashikohet në ditët e ndërrimit të viteve, ndërsa fluksi i pasagjerëve në aeroportet e Stambollit është mjaft i madh në këtë periudhë kohore. /tesheshi.com/
