Kupa Ndërkombëtare e Kampionëve (ICC), një turne që ka pritur klube të mëdha të futbollit që nga vera e vitit 2013, është anuluar për shkak të pandemisë koronare, e kjo do t’i japë një goditje të re financiare klubeve si Barcelona dhe Real Madrid.
“Duke pasur parasysh që është e paqartë se kur do të rikthehet normaliteti në shoqëri dhe duke pasur parasysh paqartësinë për kalendarin ndërkombëtar të futbollit dhe mundësinë e kampionateve dhe garave kombëtare të UEFA-s që vazhdojnë në gusht, turneu i ICC nuk është i zbatueshëm këtë verë”, tha Daniel Sillman, drejtor i kompanisë amerikane Relvent Sports.
Relevent ishte planifikuar të presë turneun në gusht në SHBA dhe Azi.
Real Madrid dhe Barcelona do ishin në Shtetet e Bashkuara pas katër muajsh, ku do të ndesheshin atje. Në tokën amerikane, një tjetër El Clásico ishte planifikuar pas atij të Miamit në 2017, që do të organizohej në Las Vegas, e cila do inaguronte dhe stadiumin e ri “Allegiant”.
Real Madrid fitoi 12 milion euro neto vitin e kaluar duke marrë pjesë në turneun e IÇ. Ata fitojnë tre milion euro për lojë, ashtu si Barcelona, Manchester United dhe Bayern. /tesheshi.com/
