Anulimi i ndeshjes miqësore ndërmjet Gjermanisë dhe Holandës, të paraparë për t’u zhvilluar mesjavën e shkuar, ka “evituar një masakër të vërtetë”, njoftojnë burimet e shërbimit sekret gjerman, siç bën të ditur Franfkurter Allgemenie Sonntagszeitung (FAS).
Celula e këtij sulmi kishte ardhur nga Parisi, ku vetëm disa ditë më parë kishte lënë mbi 130 persona të vdekur. Plani parashikonte vendosjen e tre bomba brenda impiantit HDI Stadium në kohën që po zhvillohej ndeshja ndërmjet Gjermanisë dhe Holandës, të një tjetre në paradën e autobusit të futbollistëve, përpos një bombe në stacionin e trenit.
Në bazë të këtyre informacioneve, mësohet të kenë qenë pesë anëtarë të një grupi që kishte vendosur t’i shpërthente të pesë bombat, e të gjithë me nënshtetësi gjermane.
Për fat të mirë, takimi u anulua, dhe autoritetet gjermane ndezën dritën e kuqe për të evituar çdo sulm të mundshëm. /tesheshi.com/
