Po çfarë rikthimi në Itali! Kush e ka thënë se Antonio Konte do të lërë Çelësin për të marrë drejtimin e ndonjë skuadre në Itali, apo edhe postin e drejtuesit të Kombëtares axurre, ia ka futur kot.
Vetë trajneri i Çelësit, në konferencën për shtyp në prag të përballjes në Premier League me Kristal Palas, ka mohuar gjithcka është thënë mbi këtë çështje.
“Familja ime është këtu me mua, jo në Itali. Vajza ime vazhdon shkollën këtu në Londër. është shumë e rëndësishme të shkruhet e vërteta.
Kam dhënë një intervistë që është përkthyer mbase qëllimisht gabim. Kam thënë vetëm se një ditë do të kthehem në Itali. Por nuk bëhet fjalë për tani.
Kam edhe 2 vite kontratë me Çelësin dhe jam i lumtur të stërvis lojtarët e mi”, është shprehur Antonio Konte.
Gjatë gjithë javës së fundit, trajneri italian njëherë u përfol sikur do të afrohej tek Milan, e njëherë tek Kombëtarja italiane. /tesheshi.com/
